今年決定手造月餅比親朋好友，起初都諗緊整傳統定冰皮，但發現好多朋友對奶王月餅特別鍾情。於是決定試一試，自己動手做💪🏻💪🏻
網上面都已經有好多奶王月餅既食譜，只要跟住做，就可以做到，唯獨喺糖份同牛油方面，我都自己減左。始終做比身邊既親友，我想佢地食月餅都食得健康。唔好覺得好油好甜咁，所以我覺得親手造就有呢個好處。
每個朋友收到我既月餅，都話味道唔太甜，而且皮好鬆化。咁辛苦整完，朋友食得開心，我就超有滿足感。
我今次趁中秋節前，就做左三批奶王月餅，而且都分左主題。有啲係用Line既印模，再喺淘寶搵啲簡單淨色月餅盒，再自己畫上Line公仔，做成「山寨Line王月餅」。另外，我都有訂一啲簡單花模，再配上現成靚既紙盒。仲有一批，我就廢物利用，將一啲本身在家剩餘既閃燈，配合單個手抽月餅盒。等朋友食完，個盒都可以成為小燈籠，過一個開心既中秋節！
仲有一個多星期就中秋節，大家都可以發揮創意，花少少心思，做一啲簡單既嘢，送比身邊既人！
Search